صبايا نواعم


نتشوق لانضمامك وتوجدك


للبنات والسيدات فقط
 
البوابة*البوابة*  الرئيسيةالرئيسية  اليوميةاليومية  مكتبة الصورمكتبة الصور  س .و .جس .و .ج  بحـثبحـث  دخولدخول  التسجيلالتسجيل  التسجيلالتسجيل  

شاطر | 
 

 نصائح للتعامل مع المتطفلين وأسئلتهم

اذهب الى الأسفل 
كاتب الموضوعرسالة
sesamy
الاداره
الاداره
avatar

♂ ولــد / بنــــت ♀ انثى مُشآركاتيّ : 2389
دُعاآء اليومّ : اللهم اكفني بحلالك عن حرامك واغننى بفضلك عن من سواك
نقآطيّ : 7837
السٌّمعَة : 6
ُعُضويتيّ : 28/11/2008
الموقع : anty.banouta.net
الهوايه : الكتابه
♔ علمـ بلدي ♔ : امـ الدنيا
✿ مزاجِې النـﻬاردهـ ✿ : دلوعة
الاوسمه :

الاضافات
ساعة المنتدى:

مُساهمةموضوع: نصائح للتعامل مع المتطفلين وأسئلتهم   السبت مارس 02, 2013 11:05 pm

اهلا بنات
يا احلى صبايا وانعم نواعم
هسألك سؤال
عمرك اتضايقتى من تدخل حد فى شؤنك
ولا حد لزقلك وعاوز يعرف عنك كل حاجة
ومش راضى يبطل اسئلة عن اخص خصوصياتك
ومش عارفة تجاوبى عليه ؟
لو نفسك تحتفظى باسرارك لنفسك وبس
تعالى اوشوشلك ( بعيد عن المتطفلين )
ازاى تتعاملى مع امثالهم وايه هى طريقة زحلقتهم


اولاً :
لوفرضنا ان التطفل ده شوفتيه من خلال زياره حد ليكى فى البيت بإنه بيدى
نفسه الحق ان يتجول فى البيت من غير استأذان او مش ضرورى التجول ممكن تبقى
رايحة المطبخ عشان تقدمى حاجة للضيوف تلاقى اللى داخل وراكى المطبخ او
مدخلك دماغه من الباب وعلى فكرة مش بالضرورى يبقا حد متطفل ممكن أهل جوزك
بحكم سكنك فى نفس البيت مثلا اواى حد شايف نفسه مش غريب فى الحالة دى لو
انتى بتضايقى فى نصيحة بسيطة جدا هو انك تنورى نور الصالون بس وتحاولى
تفقلى نور الاماكن المحيطة او تضلميها على خفيف وتقفلى ابواب الأوض المحيطة
بحث انك تحدى حركة الضيف ولو فكر يجى وراكى تقوليله بهزار “لالالالاانتى
انهارده ضيفتى وانا لازم ادلعك”


ثانيا:
فى بقا تكنيك حلو جدا عرفته لأول مرة من برنامج دكتور فيل وأتأكدلى
من خلال دراستى لعلم النفس وهو ان أى كلام ميعجبكش سواء كان الكلام ده
سؤال متطفل او كلام سخيف موجه ليك كل اللى عليك تعمله هو انك تشيل اى تعبير
ظاهر على وشك وبالتالى لا تبقا مبتسم ولا مكشر فى نفس الوقت تبقا مركز للى
بيقولك الكلام او بيسألك فى عنيه وتستمر فى صمتك وتركيزك التام..مبدئيا
التكنيك ده هيدى انطباع للشخص المتطفل او السخيف احساس بالحيرة ياترى انت
مبسوط أواضايقت!! ومش هيبقا عارف وقع الكلام عليك ايه فساعتها هو اللى ممكن
يغير الكلام لانك بكده بتفقده الثقة فى نفسه لانه معرفش ايه اللى دار فى
دماغك..الطريقة دى ابسط تشبيه ليها هو أنك بتعمل وشك مراية للى أدامك فلو
بيقول شوية سخافات بتنعكس عليه لانه مش لاقى منك رد فعل وهو مش قادر يحدد
احساسك من نحيته.


ثالثا:
أول ما تحسى أن الكلام بدأ يلف ويدور حواليكى وسؤال سخيف جاى نحيتك غيرى
الموضوع بسرعة .. غيرى الموضوع بذكاء على أد ما تقدرى يعنى على حسب الشخص
المتطفل اللى بيسألك لو مهتم بمظهره مثلا ممكن تقولى “سيبك انتى بس الجاكت
ده عليكى أنهارده جاااامد جدا جايباه منين!!” او اى كلام يلمس اهتمام اللى
أدامك عشان تشغليه فيه. ولو أعدين مع بعض ممكن ببساطة تقومى تتمشى فى
المكان او تمسكى موبيلك وتتشغلى فيه ال يعنى بتعملى حاجة او تمسكى مجلة
وتبدى الاهتمام فيها.

رابعاً:
لو حصل المحظور والسؤال السخيف أتسأل يبقا تردى السؤال بإجابة غامضة او
بسؤال زيه يعنى لو السؤال “جوزك بيقبض كام؟ او انتى بتقبضى كام؟” الاجابة
ممكن تكون “عادى زى كل الموظفين اللى فى قسم المحاسبة اللى فى شركة كذا” او
“هااا أمال انتى جوزك بياخد كام؟” او “هو الحمدلله بياخد كويس..بتسألى ليه
في حاجة؟” ولو اللى بيسأل من النوع المثابراللى مش هيسيبك الا وانتى قايلة
رقم ممكن تبقا الاجابة ال يعنى بتهزرى “بتسألى ليه يا جميل..عايزة سلفة
ولا اييييه محتاجة فلوس؟”


خامسا:
لو الشخصية اللى ادامك بدأت تتكلم عن حد (نميمة) يعنى مش لذيذ انك تسيبيه
يعيش ويكمل كلامه متبينيش انك مستمتعة ولا عايزة تسمعى أكتر وفى وسط الكلام
ممكن تقولى “واحنا مالنا” او “انا مش عارفة الناس بتوجع دماغها باللى
مالهش فيه ليه؟” وبالتالى هتوصله المعلومة انك بتتخنقى من التدخل والتطفل.



سادسا:
لو اللى أدامك بقا من النوع اللى كل اللى فات ده مأثرش فيه يبقا توجعى
دماغك ليه ؟؟ بكل بساطة ووضوح ممكن تقولى “اووووه لا بليز مبحبش اتكلم فى
المواضيع دى؟” او تقوليله “سؤالك غريب؟بتسأله ليه؟” او “اوعى تكون سألت
السؤال ده لحد قبل كده..أصله سؤال ميتسألش بصراحة” من الاخر ومتديش معلومة
انتى مش عايزة تقوليها ومتخليش حد يجبرك تقولى حاجة انتى مش عايزة تحكيها
ومتفتكريش انه هيزعل منك لانه جواه عارف انه متطفل.


اشهر الأسألة المتطفلة واجابات مقترحة:

1- عمرك اد ايه؟ او انت عندك كام سنة؟ لو معندكش مشكلة انك تقول.. قشطة قول.
لكن لو عندك مشكلة ممكن تجاوب..”انا هفضل طول عمرى شباب”


2- مافيش بيبي فى الطريق؟ هتتجوزى امتى؟ هتتخطبى امتى؟ الاجابة ممكن تكون
بشكل مقتضب ومختصر جدا “ربنا يسهل..ادعيلى” ولو استمر الاسئلة الاجابة تكون
برده مختصرة “ربنا يكرم” مع تعبير على وشك بالاستغراب عشان اللى بيسأل يحس
انه مش لذيذ او انك تردى السؤال بسؤال لو متجوز تسأليه هو هيجيب بيبي امتى
لو خاطب تسألى هو هيتجوز امتى وهكذا.


3- السفرية كلفتك كام؟ شبكتك بكام؟ جبت كذا بكام؟ الاجابة “بتسأل ليه؟ عايز زيها؟” او “والله كان السعر معقول مش كتير اوى”


4- مرتبك كام؟ الاجابة “بتسأل ليه يا جميل..عايز سلفة” او “الحمدلله جميل معقول مكفينى”.

5 - اجابة السؤال بسؤال تانى .. زى واحدة تسألك عامله ايه جوزك
قوليلها الحمد لله عاملة ايه انتى مع جوزك وعاملة ايه مع عيالك وفى حياتك ..
الخ .. الهم اشغليها بنفسها بعيد عنك

بس للمعلومية للكل لك انتى يا اللى مش بتحبى المتطفلين
وللمتطفلين والمتطفلات احب اقولكم
لربما دى تكون عادتك ولربما ما حدش اقوك انه فى ناس مش بيعجبها تدخلك فى شؤنها
لربما ما حدش قالك انه ده عيب
بس اللى لازم تعرفيه
ان النبى صلى الله عليه وسلم قال حديث فيه





ده غير تاثيره اجتماعيا من بعد الناس عنك وكرههم للقائك .. الخ

( طبعا معظمه ملطوووش مع اضافة نكهة خاصة ع الموضوع )


ده كل اللى حبيت اضيفه واللى تعرف حاجة كمان ممكن تضيفها

نرحب بكل الاقتراحات والوسائل لأبعاد الحشريين عن خصوصياتنا واسرارنا

فى انتظار تعليقاتك




الرجوع الى أعلى الصفحة اذهب الى الأسفل
http://anty.banouta.net
 
نصائح للتعامل مع المتطفلين وأسئلتهم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صبايا نواعم :: قصر الصبايا النواعم العام .. General Forum :: زنقة الستات .. نادى الصبايا العام-
انتقل الى: