صبايا نواعم


نتشوق لانضمامك وتوجدك


للبنات والسيدات فقط
 
البوابة*البوابة*  الرئيسيةالرئيسية  اليوميةاليومية  مكتبة الصورمكتبة الصور  س .و .جس .و .ج  بحـثبحـث  دخولدخول  التسجيلالتسجيل  التسجيلالتسجيل  

شاطر | 
 

 صينيه السمك الماكريل بالصور والفيديو مع الرز والشوربة

اذهب الى الأسفل 
كاتب الموضوعرسالة
B.E
زائر



مُساهمةموضوع: صينيه السمك الماكريل بالصور والفيديو مع الرز والشوربة   الخميس أبريل 11, 2013 4:58 am

السلام عليكم ورحمه الله وبركاته


صينيه السمك الماكريل بالصور سهله وخفيفه



الفيديو لمعاينة طريقة السمك الماكريل بالفرن خطوة بخطوة

وهى طريقة الشيف الشربينى



للعلم في ناس بتسمي السمك ده السمك الروسي ابو شوكه وفي السعوديه ليه اسم تاني
تقريبا جينيس مش متأكده علي العموم انا جايبلكم صورته علشان اي نواعم تعرفه اين كان اسمه



خلى بالك شوكه صغير وكتير

يعنى لو فى اطفال حياكلوا لازم تفصصيه لهم قوى

وتنعميه بين صوابعك علشان ما يبلعوش شوكه منه

لانه صغير ودقيق قوووى وربنا يسلم ويسترها

المقادير :



السمك والكميه علي حسب عدد افراد الاسره -التوابل(ملح -كمون-شطه او بابريكا) معلقه زيت زيتون
بصل مقطع جوانح -طماطم مقطعه طرنشات -ثوم مقطع -جزر مبشور-فلفل اخضر مقطع -ليمون

الطريقة :



هنقطع الخضار كله نخلطه مع بعضه ونضيف عليه التوابل ومعلقه الزيت علشان هنحشي بيه السمك وبالنسبه للبصل هنقطع جزء منه جوانح للسمك وجزء قطع صغيره للرز ونشوف الصور مع بعض



هنغسل السمك كويس ولان فيه شوكه عند الزيل الافضل اننا نسلخ السمكه يعني نعمل فتحه صغيره في الجلد من فوق عند الراس وبعدين نفصل الجلد براحه جدا من علي السمكه من غير مانهري السمك زي كده







بعد ازاله الجلد كله وغسل السمك كويس جدا بدأ نفرش الصينيه بتاعتنا بجزء من خلطه الخضار وبعدين نحشي السمك بالخلطه كويس ونرصه فوق الخضار ونحط فوقيه شويه خضار كمان زي كده







وعلي الفرن علي طول لحد ما يستوي وطبعا كل الصبايا النعومات الحلوات عارفين ان السمك مش بياخد وقت طويل في السوا
وبعد كده نشغل الشوايه عليه شويه علشان الخضار الحلو اللي علي الوش يتحمر وده شكله النهائي




معلش ملحقتش ازوق الاطباق كنا عاوزين ناكله وهو سخن وبسرررررررررررررررررعه
و
كده يبقي خلصنا السمك هييييييييييييييييييه



رايحه فين اوعي تقومي لسه شويه كمان ولا هتقدمي السمك لوحده لازم رز وشربه ولا ايه
هنحتاج للرز بصل فاكره المقطع صغير اللي قلنا عليه في الاول وشويه من الجزر المبشور وشويه فلفل اخضر وطماطم قطع
وملح وفلفل وكمون وجنزبيل بودر وبابريك وطبعا زيت الزيتون
الاول هندبل البصل شويه في الزيت ونحط عليه البهارات كلها




وبعدين نضيف الخضار ونقلب شويه




ونضيف الميه ولما تغيلي نضيف الارز وتسويه زي ماانتي عارفه لما يغلي ويشرب ميته تهدي النار عليه
وده شكله النهائي








لسه اوعي تمشي ويارب ماتكونيش زهقتي مني
هنعمل سوا آخر حاجه شويه شوربه صغننين شوربه ايه شوربه عدس


ويلا من غير كلام كتير المقادير في الصور





بصل -ثوم- طماطم -جذر-بطسطايه صغيره-وطبعا العدس الاحمر

والتوابل (ملح -فلفل- كمون-حبهان-مكعب مرقه)ولو عندك شوربه يكون احسن شوفي ايه اللي فيها بصل وطماطم او جذر وضيفي المكونات الفاضله عليها مع العدس وبتبقي جميل جدا المهم هنحط كل مكوناتنا في حله علي النار ونسيبها تغلي لدح اما كل المكونات تستوي زي كده




وبعدين نضربهم كلهم في الخلاط كويس جدا جدا (ضربا مبرحا)
ولما تنعم الشوربه نصفيها اكتر من مره بمصفاه العصير لازم نصفيه كويس
وحسب كل واحدة هي بتحب الشوربه ازاي تقيله ولا خفيفه ممكن تظبتي تقلها وتزوديها ميه او شوربه براحتك
وطبعا لو الشوربه دي مش جنب السمك ممكن تحطي عليها شعريه محمره وتسيبي الشعيره تستوي شويه في الشوربه وبتبقي حلوه جدا





وده شكل الاطباق النهائي يارب يعجبكم




ومتنسوش التقيم والله تعبت قوي في الموضوع
وحقيقي الموضوع متعب جدا وضهري وجعني اه يا ضهري وجوزي هيتريق عليا لو ملقاش حد عبرني ورد عليا
وطلب اخير ادعولي ربنا يرزقني بأخ او اخت لابني ولو في سركم ويرزق كل الناس يا رب
سلااااااااااااااااااااااااااااااام
ماتنسوش التقيم



المصدر : منتدى صبايا نواعم











اللهم بارك لي في زوجي وبارك لي في ابني وارزقني من لدنك الذريه الصالحه
اللهم آمين
اللهم ارضني بزوجي وارضه بي وارضي علينا بحلالك ورحمتك دنيا واخره
يا رب العالمين
الرجوع الى أعلى الصفحة اذهب الى الأسفل
sesamy
الاداره
الاداره
avatar

♂ ولــد / بنــــت ♀ انثى مُشآركاتيّ : 2389
دُعاآء اليومّ : اللهم اكفني بحلالك عن حرامك واغننى بفضلك عن من سواك
نقآطيّ : 7979
السٌّمعَة : 6
ُعُضويتيّ : 28/11/2008
الموقع : anty.banouta.net
الهوايه : الكتابه
♔ علمـ بلدي ♔ : امـ الدنيا
✿ مزاجِې النـﻬاردهـ ✿ : دلوعة
الاوسمه :

الاضافات
ساعة المنتدى:

مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 5:34 am

تسلم الايادى .. اخدت منك فكرة او اتنين
لأن طريقة الشيف الشريبنى لسه عاملاها من اسبوعين تقريبا
طريقة وووواااااوووووو تخبل
وجوزى حبها قوى
بس الشوك صغير قوى تعبنا قوى
وابنى دخلت له شوكه فى زوره برغم اننا عملنا كل حاجة
ونعمناه جدا لكن برضه حصل اللى حصل بس الحمد لله ربنا سترها
وان شاء الله ناخد بالنا كويس المرة الجاية
وبالمناسبة بكره ان شاء المولى حاعمل نفس الطريقة
مع شوية تعديلات خدتها منك
وميرسى ليكى يا قمراية
ما ننحرمش منك وربنا يكرمك بالذرية الصالحة
آمين



الرجوع الى أعلى الصفحة اذهب الى الأسفل
http://anty.banouta.net
7abeba
زائر



مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 6:34 am

تسلمي ياقمر وتسلم ايدك تحفة اوي
 
الرجوع الى أعلى الصفحة اذهب الى الأسفل
?????
زائر



مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 6:37 am


تسلم ايديكى ياقمرررررررررررررررر





الرجوع الى أعلى الصفحة اذهب الى الأسفل
B.E
زائر



مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 7:49 am

ايوه كده شجعوني

الرجوع الى أعلى الصفحة اذهب الى الأسفل
??? ????
زائر



مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 7:51 am

تسلم ايدك وسلامة ضهرك والتقييم ممتاز يا قمر
الرجوع الى أعلى الصفحة اذهب الى الأسفل
B.E
زائر



مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 7:52 am

ربنا يخليكي تسلميلي يا قمر
الرجوع الى أعلى الصفحة اذهب الى الأسفل
yo0yo0yo
زائر



مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 7:54 am

تسلم ايدك جوعتينىىىىىىىىىىىىىى
الرجوع الى أعلى الصفحة اذهب الى الأسفل
B.E
زائر



مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 7:56 am

طيب يلا تعالي بسرعه الاكل كله مستنيكي

الرجوع الى أعلى الصفحة اذهب الى الأسفل
????????
زائر



مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 8:00 am




أخواتى فضلا لا أمرا

أسألكم الدعاء لأمى المتوفيه بالرحمه والمغفره
وان يسكنها الله فسيح جناته اللهم تقبلها من الشهداء
اللهم أجعل قبـــــــرها روضــــه من ريــاض الجنـــه ولا تجعـــله حفره من حفـــر النــــار
اللهم آمين
اللهم ارحم موتانا وموتى المسلمين
وجزاكم الله الجنة ياااااارب



الرجوع الى أعلى الصفحة اذهب الى الأسفل
?????
زائر



مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 8:04 am


تسلم ايدك يا احلى مصرية
اهم حاجة اوعي تنسي تصفي شوربة العدس كويس

علشان محدش يتريق علينا
بس بردة تسلم ايدك
ويخليك ياااااااااارب ليا ويرزقك
باحلي اخت لابنك
الرجوع الى أعلى الصفحة اذهب الى الأسفل
B.E
زائر



مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 8:09 am

ربنا يخليكي ليا وميحرمنيش منك ابدا
للعلم يا قمرات اللي رد عليا تبقي اختي حبيبتي
ربنا يخليها ليا::
وعلشان خاطر عيونك انا كتبت الموضوع ده
علشان تحسي اننا سوا مع بعض في قلب المطبخ
نعُك سوا زي زماااان


الرجوع الى أعلى الصفحة اذهب الى الأسفل
????????
زائر



مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 8:11 am



الموضوع هايل اوى والتقييم ممتاز وانتى عسل والله
بس انا خيبانه فى حاجه انا لما بعمله كده مبعرفش اشيل الشوكه اللى فى ظهره وانا بنضفه
وبعد سوا السمك فى الصينيه بلاقيها بتطلع مع الخضار ومبنعرفش ناكل الخلطه اللى فوق دى بسبب الشوك اللى فوق وتحت
قوليلى طريقه حلوه اشيل بيها الشوكه الطويله الرخمه اللى فى ظهره دى
ولكى جزيل الشكر



الرجوع الى أعلى الصفحة اذهب الى الأسفل
B.E
زائر



مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 8:17 am

اولا الف شكر علي الكلام الحلو دا يا قمر
بصي يا حبيبي
الافضل انك تنضفي السمك ده وهو مجمد
علشان ما يتهر
يش منك ويبقي سهل التنضيف معاك
وبالنسبه للشوكه اللي
علي الضهر من الن
احيتين
بعمل فاتحه صغيره في جلد السمكه من تحت الرأس
او عند الزعنفه الصغيره اللي بتبقي فوق علي الج
انبين
وبنقصها مكانها اوتحتها علي طول نعمل الفتحه
وببدأ اشيل الجلد كله من عند الفتحه دي براحه لحد ما اوصل للذيل

وزي ماقولتلك بتبقي سهله والسمكه مجمده
لان التجميد بيخليها جامده في
ايدك وتتحكمي فيها بسهوله

وبالتوفيق ان شاء الله
الرجوع الى أعلى الصفحة اذهب الى الأسفل
????????
زائر



مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 8:19 am

ميرسى
يا قمرايا انتى ممتازه بجد وانا فعلا بحب انضف السمك وهو متجمد واقطع
الكبد والكلاوى واللحمه واى حاجه وهى متجمده لانها بتبقى سهله اوى لكن كله
كوم وتنضيف الشوكه دى كوم انا عملتها المره اللى فاتت بطريقتك دى بس تعبتنى
اوى


بس شيلت امها برضه


والف الف شكر يا سكره




الرجوع الى أعلى الصفحة اذهب الى الأسفل
B.E
زائر



مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 8:21 am

الحمد لله مره بعد مره هيكون الموضوع اسهل ان شاء الله وبالتوفيق يا حبيبي
الرجوع الى أعلى الصفحة اذهب الى الأسفل
???
زائر



مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 8:23 am


بسم الله ما شاء الله عليكى ,,,, تسلم ايديكى ,,,,
انا والله دخلت عشان أشوف وصفه حلوه كده للسمك ده لقيت الوصفه بتاعتك دى فعجبتنى جدا وكمان سهله ,,,,
انا عملتها وهو لسه دلوقتى فى الفرن ويارب يطلع حلو زى بتاعك كده وما اتكسفش قدام جوزى ,,,,
ولو طلع حلو ليكى منى أحلى بوسه امممممممممممممممممممممممممممممممموه ,,,,,,
ربنا يكرمك يا حبيبة قلبى ويجازيكى كل خير ,,,,
الرجوع الى أعلى الصفحة اذهب الى الأسفل
????
زائر



مُساهمةموضوع: رد: صينيه السمك الماكريل بالصور والفيديو مع الرز والشوربة   الخميس أبريل 11, 2013 8:30 am

انا عملته النهاردة بطريقتك بس من غير الجزر وبجد بجد تحـــــــــــــــــــــــــــــــــــــــفة جدا
قولت لازم اقوللك
جزاكى الله خيرا
الرجوع الى أعلى الصفحة اذهب الى الأسفل
شهدالقلوب
مديره القصور الاسلاميه والثقافيه ومطبخ المملكه
مديره القصور الاسلاميه والثقافيه ومطبخ المملكه
avatar

♂ ولــد / بنــــت ♀ انثى مُشآركاتيّ : 760
العمر : 34
دُعاآء اليومّ : عال العال
نقآطيّ : 5051
السٌّمعَة : 14
ُعُضويتيّ : 17/11/2009
❤ ﻣﭕﻼﺩﻱ ❤ : 09/07/1984
الموقع : مصر
الهوايه : الكتابه
♔ علمـ بلدي ♔ : امـ الدنيا
✿ مزاجِې النـﻬاردهـ ✿ : شايله جروحى
الاوسمه :




الاضافات
ساعة المنتدى:

مُساهمةموضوع: رد: صينيه السمك الماكريل بالصور والفيديو مع الرز والشوربة   الأربعاء يونيو 05, 2013 1:06 am

تسلم ايدك يا قمر




اللهم احفظ زوجى وبناتى من كل سوء

اللهم اسقنا من يد الحبيب

محمد صلى الله عليه وسلم

شربة هنيئة لا نظمأ بعدها ابدا

يارب آمين آمين آمين
الرجوع الى أعلى الصفحة اذهب الى الأسفل
 
صينيه السمك الماكريل بالصور والفيديو مع الرز والشوربة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صبايا نواعم :: طعم تاني .. Kitchen and Cooking :: أطباق رئيسية-
انتقل الى: