صبايا نواعم


نتشوق لانضمامك وتوجدك


للبنات والسيدات فقط
 
البوابة*البوابة*  الرئيسيةالرئيسية  اليوميةاليومية  مكتبة الصورمكتبة الصور  س .و .جس .و .ج  بحـثبحـث  دخولدخول  التسجيلالتسجيل  التسجيلالتسجيل  

شاطر | 
 

 أرجوكم انقذوني

اذهب الى الأسفل 
كاتب الموضوعرسالة
شهدالقلوب
مديره القصور الاسلاميه والثقافيه ومطبخ المملكه
مديره القصور الاسلاميه والثقافيه ومطبخ المملكه
avatar

♂ ولــد / بنــــت ♀ انثى مُشآركاتيّ : 760
العمر : 34
دُعاآء اليومّ : عال العال
نقآطيّ : 4937
السٌّمعَة : 14
ُعُضويتيّ : 17/11/2009
❤ ﻣﭕﻼﺩﻱ ❤ : 09/07/1984
الموقع : مصر
الهوايه : الكتابه
♔ علمـ بلدي ♔ : امـ الدنيا
✿ مزاجِې النـﻬاردهـ ✿ : شايله جروحى
الاوسمه :




الاضافات
ساعة المنتدى:

مُساهمةموضوع: أرجوكم انقذوني   الثلاثاء نوفمبر 17, 2009 2:50 pm



انا تزوجت غصب عني منذ 4 سنوات والحمد لله الله رزقني ببنتين مثل القمر بس



حاسة اني بتعصب عليهن كتير


بس نفسي اتعلم اتحكم باعصابي لكن انا مضغوطة نفسبا كتير


ويارب تساعدوني !


الرجوع الى أعلى الصفحة اذهب الى الأسفل
????
زائر



مُساهمةموضوع: رد: أرجوكم انقذوني   الثلاثاء نوفمبر 17, 2009 8:05 pm

اولا اهلا بك اختا فى الله

ثانياً استعينى بالله وادعى ان يحنن قلبك على طفلتيكِ

ويفرج كربك وألحى فى الدعاء

ثالثاً مسأله غصب عنك دى يمكن هى اللى فيها المشكله

انتى كويسه مع جوزك ( انا لا اريد التدخل بشؤنك )

بس يمكن عدم التوفق مع جوزك هو اللى مخليكى عصبيه

ما تمسكيش فى اطراف المشكله وتقولى ايه الحل ؟!

انما حلى المشكله من جذورها .. من الاساس

انا لا احرضك على زوجك - لا سمح الله - وانما اريدك ان تعرفى

انك ان توفقتى مع زوجك حُلت المشكله بأذن الله

ولن تجدى نفسك مضغوطه عصبياً

وبالتالى ستتحسن علاقتك بكل من هم حولك ومنهم بنتيك حفظهم الله

يمكنك التحدث الى زوجك وان تحسنى العلاقه به

وان كان لا يتحمل مسؤلية طفلتيه معك فنبهيه الى ذلك

وانك لم تنجبيهم وحدك

وانه اب مسؤول امام الله عن تربيه وتنشئة اطفاله

وانه سيحاسب عليهن يوم القيامه .. كيف رباهن ؟؟ هل هن صالحات ام لاقدر الله غير ذلك ؟؟

ان مسؤلية التربيه لا يصح ان تقع على الام وحدها

ان فى ذلك اجحاف لحق الام ولحق الابناء من جانب الاب

وانا لا احرضك مره اخرى

خذيه بالذوق والهواده والسياسه والحب

ولا تاخذى منها مشكله تضاف الى مشاكلك

وانما حاولى وكررى والحى او اهمليه تماماً حتى يحس باهماله لك

ولا تبتعدى عن فراش الزوجيه مهما كانت مشكلاتكم معاً .. فهذا حرام

كما ان فراش الزوجيه يولد الالفه والمحبه والتفاهم

ولا تذكرى حاجتك عند الفراش وانما فى وقت سابق او لاحق .. حتى لا يكون زنا والعياذ بالله

ولا تنسى ان طفلتيكِ واللتين لا تزيد كبراهما عن 3 سنوات

مازالتا طفلتين .. يعنى انك عندما كنتِ فى مثل اعمارهن

كنت ( بتتشاقى زيهم )

التمسي لهم الاعذار

ارجو ان تعودى الى والدتك وتسمعى القصص حول ( عفرتك وشقاوتك ) وانتى صغيره

ساعتها حتعرفى ان دول اطفال عندهم طاقه وكبت ولازم ( يتشاقوا )

ولازم تاخديهم وتخرجى وتنفسى عن طاقتك وطاقتهم

ومش لازم كل يوم .. بس تخرجوا

وربنا يوفقك ويرضى عنك ويهدى قلبك فى لحظات غضبك على اولادك
الرجوع الى أعلى الصفحة اذهب الى الأسفل
sesamy
الاداره
الاداره
avatar

♂ ولــد / بنــــت ♀ انثى مُشآركاتيّ : 2389
دُعاآء اليومّ : اللهم اكفني بحلالك عن حرامك واغننى بفضلك عن من سواك
نقآطيّ : 7865
السٌّمعَة : 6
ُعُضويتيّ : 28/11/2008
الموقع : anty.banouta.net
الهوايه : الكتابه
♔ علمـ بلدي ♔ : امـ الدنيا
✿ مزاجِې النـﻬاردهـ ✿ : دلوعة
الاوسمه :

الاضافات
ساعة المنتدى:

مُساهمةموضوع: رد: أرجوكم انقذوني   الجمعة نوفمبر 20, 2009 9:20 am





اهلا حبيبتى

كأنك بتتكلمى عنى بالضبط

انا برضه اتجوزت من 5 سنين غصب عنى


لكنى ولله الحمد من اول يوم قدرت بفضل ربنا انى اتغلب على المشكله

( اللى كانت جوايا اصلاً )

وهى انى مش باحب اى حاجه مفروضه على ( لأنى كنت مدللـه جداً )

بس هدانى ربى انى اتقبل الامر الواقع واتعامل معاه

كمان فيه خطوط معينه بينى وبين جوزى اتقفت معاه عليها بالكلام او بحظر الكلام فيها

بالكلام مثلا انى ماارضاش بالاهانه ومد الايد حتى ولو كان هزار

وبحظر الكلام مثلا انى ما اتعرضش لاهله بسوء علشان ما يتعرضش لاهلى بسوء

وانى اقف على كل كلمه قبل ما يطلعها لو كانت تخص حد من اهلى

وكانه شىء مقدس او نادر ممنوع اللمس او الاقتراب او حتى مجرد التفكير

وده اللى خلى جوزى يحترمنى ويحترم اهلى .. ويفكر مليون مره قبل ما يطلع كلمه

ممكن يندم عليها فى المستقبل .. ولا انكر طبعاً ان جوزى اصلا متربى وبنى أدم اخلاقه عاليه

ولا ازكى على الله احد .. و ده اللى خلانى احبه جداً بعد الجواز طبعاً

وربنا اكرمنى بـ طفله 4 سنين وطفل سنه

وكتير جدا ضربت بنتى واتعصبت عليها وانا نادمانه

لكنى اليومين دول امتنعت تماماً عن ضربها

واصبح هناك لغه وحوار بينى وبينها

لانى اكتشفت طريقه كانت بتعملها اختى لما يتشاقى الاولاد

حتى ولو كانوا فى غير بيتهم

تاخدهم لمكان بعيد عن الناس

وتنزل لمستواهم ( يعنى تبص فى عيونهم وهى جالسه مش وهى واقفه )

بمعنى تكون قاعده على كرسى وهما واقفين قدامها

وتكلمهم بهدووووء وكأنها بتعاتبهم او بتحملهم مسؤليه

وتقول ان الحصل ده حيخلي ربنا يزعل منهم او يخليها ما تحبهمش


او تخلى الناس يقولوا عنهم كلام وحش او يكرهوهم

او لو عملوا كده تانى حيبقى فيه عقاب .. زى انهم مش حيخرجوا معاها


او مش حتجيبلهم اللى نفسهم فيه ...الخ

ولازم تكونى امينه فى كلامك مع اطفالك لانك انت اللى بتربى

يعنى علشان يصدقوكى دايما ( اووووووووووووعى ) تكدبى عليهم مهما كانت الاسباب

اولا : لانه بيغضب ربنا ولانه اشد من السرقه والزنا ( بحسب حديث رسول الله صلى الله عليه وسلم )

ثانياً : انتى قدوه فلو شافوك اطفالك بتكدبى حيعتبروا دى حاجه عاديه وحيكدبوا هما كمان

طبعا بالاضافه للارهاب اللى بيعلم ان الطفل يكدب علشان يهرب من العقاب ويتعود على كده

ويطلع جبان ما يتحملش نتيجة تصرفاته الغلط

ثالثاً : عمرهم ما حيثقوا باى كلمه تقوليها لهم ويقولولك انتى كدابه وطبعا انتى حتولعى من كلمه

زى دى تقولهالك بنتك وطبعا حتزيدى فى عنفك ناحيتها

علشان كده ( لو ) كنتى بتضحكى على بناتك علشان تريحى دماغك

فحقولك لأ اتعبى دماغك شويه لحد لما بناتك يعرفوا انه ايوه يعنى ايوه ، و لأ يعنى لأ


بالاضافه لكل اللى فات اكتشفت ان حب جوزى الزائد لبنتى وتدليله لدرجة افساده لها

هو السبب فى عصبيتى لانه من الاول كل ما اقول او انبه على حاجه ما تتعملش

بالاضافه الى التخريب المستمر اللى بتعمله فى البيت

ناسيه انها بيبى


عاوزه تكتشف وتجرب وده طبيعى وانى لازم اشيل كل حاجه من قدامها

وارفعها بعيد وانى اقفل على اى حاجه ممكن تؤديها او ممكن هى تدمرها

والسبب التانى ان جوزى عاوز اطفال ومش عاوز مسؤليه

يعنى انا اللى احمل واولد واربى واكل واشرب


وانوم واحمى والبس

واودى للدكتور وادى الادويه


واخرج بيهم للفسحه واحبهم

واحن عليهم ... تعبت من الكتابه
فما بالك بالحقيقه اى ضغط على فى ده كل

وهو له دور ادارى

ومالى

واشراف عند تقصيرى فقط فى كل ما تقدم

تخيلى واحده كانت مدلعه فى بيت اهلها تتحمل مسؤليه ده كله



بالاضافه للبيت والشغل فيه

وطلباته الخاصه والعامه

واحده ما كانتش تسقى نفسها كوبايه الميه تتحمل كل ده ؟؟

HOW COME ?







بمناسبة الحنان




بس اقولك وانا باحمى بنتى بصيت لها وكنت حاسه انى ما كنتش شايفاها قبل كده لقيتها بيبى

ليه انا باضايق وازعل .. وليه باضربها وهى جسمها ضعيف وما تقدرش ترد على الضربه
ليه الافتراء ده .. اكيد ربنا ما يرضاش بكده

كمان الطفل وحتى ان كان امور وحلو ومش عصبى ( وكل الحاجات الخفه دى )


بيكون من سن 2 الى 4 سنوات عنيد جداً

ودى مسأله طبيعيه مش المفروض ناخدها بعنف لازم ناخدها بالراحه وبهدوء اعصاب

حتى وان كنا مضغوطين .. توكلى على الله واعتمدى طريقه اختى وشوفى النتيجه


كمان حسنى علاقتك بجوزك وقوليله بصراحه انك تعبانه ومتضايقه ولازم يساعدك

كمان هاتى واحده تساعدك .. ان كان عندك مقدره ماديه .. حتى ولو مره او مرتين فى الشهر

يعنى ترفع البيت الرفعه الجامده وانتى تعملى الحاجات البسيطه واليوميه بعد كده

احمدى ربنا انه ادالك بنات علشان يساعدوكى فى البيت

وعلميهم من دلوقتى .. يعنى انا من يومين كنت بانفض قلت لبنتى ( ساعدى مامى )

اديت لها قماشه منديه وسبت لها شوية كتب على براويز وقلت لها لمعى زى كده

ولمعت ووفرت على مجهود فى التلميع اللى باكرهه

يعنى حاجات بسيطه وعملتها لها زى ما تكون بتلعب

كمان من فتره طويله وانا معلماها انها لما تيجى من بره تغير هدومها وتطبقها حتى ولو كانت وسخه

علشان تتعلم التطبيق !

ودلوقتى كل ما اغسل هدومها وهدوم اخوها وتنشف ..

تاخد الكل وتطبقه وتسبهولى على السرير وانا ارتبه فى الدواليب

وهى فاكره ان دى مهمتها اللى انا باحبها علشان هى بتعملها

وبمناسبة الحب


اكتشفت موضوع مهم جداً وانا بارضع ابنى اكتشفت ان بنتى بتجيب عروسه ترضعها

ولما بانوم ابنى جنبى هى بتنوم عروستها جنبها

اكتشفت انى مثل اعلى لبنتى وان كل اللى بتعمله هو بس علشان تلفت نظرى

وانها بتحبنى قوى .. وعاوزانى احبها ..

علشان كده بتعمل شقاوه كتير علشان تكون محور اهتمامى واهتمام باباها ولو بالضرب

ولفت النظر حاجه طبيعيه يعنى الطفل ممكن يكون شقى او كلامه كتير لدرجه تنرفز

ولازم نتعامل مع الوضع ده برضه بهدوء

كمان قاعدة الطفل فى البيت وحشه قوى

احنا نقدر للاننا كبرنا وخدنا كفايتنا من العفرته

لكن هما كلهم طاقه عاوزين يفرغوها .. علشان كده لازم توديهم حضانه

علشان يشوفوا اطفال غيرهم

يلعبوا مع اولاد الجيران على السلم .. ولو ان دى ما عملتهاش لحد دلوقتى للامانه الا عند ماما

يروحوا نوادى وملاهى ويتفسحوا ويشوفوا الدنيا ويطلعوا

الكبت والطاقه دى فى صورة لعب وبعد كده حيجوا البيت

ياكلوا ويناموا وانتى مش حتكونى مضغوطه بسببهم

وحتلاقى وقت لنفسك وتقدرى تعملى وقت فراغ تلعبى فيه معاهم

عارفه علشان تقربى منهم اكتر اجرى وراهم فى البيت واعملى نفسك

انك حتاكليهم او حتعضيعهم او ..او ..

وشوفى النتيجه .. حتلاقى نفسك بتلعبى .. ايوه العبى

مش يمكن ربنا مدى الناس العيال دول علشان لما يكبروا ما يحسوش انهم مضغوطين

ويلاقوا فرصه يلعبوا تانى زى ما كانوا بيلعبوا وهما اطفال

ويخففوا من همومهم باللعب مع عيالهم .. ويمكن كمان ياخدوا حسنات على اللعب ده مع العيال

ليه لأ ؟؟ ارجو ان ربنا يكرمك فيهم

وارجو انى اكون افدتك

ويارب يحنن قلبك على بناتك واتمنى لك ولهم كل السعاده والصحه وراحة البال

ويبعد عنكم الضغط العصبى والنفسى والهم والغم

وبقولك وبقول لنفسى

ارحموا من فى الارض يرحمكم من فى السماء


sesamy



الرجوع الى أعلى الصفحة اذهب الى الأسفل
http://anty.banouta.net
ام احمد
مديره قصور الحياه الشخصيه وقصور الديكور والتحف
مديره قصور الحياه الشخصيه وقصور الديكور والتحف
avatar

♂ ولــد / بنــــت ♀ انثى مُشآركاتيّ : 1106
العمر : 29
دُعاآء اليومّ : جميل جدا
نقآطيّ : 5337
السٌّمعَة : 12
ُعُضويتيّ : 21/12/2009
❤ ﻣﭕﻼﺩﻱ ❤ : 01/01/1989
الموقع : مصرية وحاليا فى السعودية
الهوايه : السفر
♔ علمـ بلدي ♔ : امـ الدنيا
✿ مزاجِې النـﻬاردهـ ✿ : اميره بكلمتى
الاوسمه :



الاضافات
ساعة المنتدى:

مُساهمةموضوع: رد: أرجوكم انقذوني   الإثنين ديسمبر 21, 2009 9:13 am

احب اشارككم فى هذا الموضوع المثير للجدل

بالنسبة لشهد القلوب ردى لها ان مش ينفع بعد جواز دام اربع سنين مش ينفع نفكر فى الماضى وتقولى انك كنتى مغصوبة على الجواز لان دة خلاص مفيش منة رجا وانتى مادام الكلام دة فى دماغك مش هتعرفى تفرحى ببناتك ويمكن هو دة الى مخليكى معصبة عليهم وهما لسة اطفال مش محسوب عليهم تصرفاتهم

ويمكن جوزك فى مزايا كتير حلوة بس انتى دايما بتشاهدية من جانب واحد بس حاولى تكسبى جوزك باى طريقة علشان تكون حياتك انتى سعيدة

وممكن يكون فية عيوب ظاهرة بس خلاص مش ينفع تقولى انك مغصوبة لان خلاص مش ينفع الكلام دلوقتى ولو كان ربنا مش رايد الجوازة او فيها شر ليكى مش كانت تتم من الاول بس اكيد ربنا كاتبلك فيها خير

والمفروض تحمدى ربنا على اولادك لان فى ناس كتير متجوزين عن حب بس ربنا مش اراد لهم اطفال

دى اكب نعمة ربنا ادهالك والمفروض تحمدى ربنا عليها وتتمتعى بحياتك

وفى نفس الوقت مش تهملى جوزك انا عارفة ان مع وجود اولاد بتكون الواحدة مشغولة بيهم بس مش يمنع انك تكونى مهتمة بنفسك امام جوزك حتى لو انتو الاثنين مش فى دماغكو انها تكون ليلة حامرة بس تكونى انتى

لابسة لبس كويس ومغرى فى نفس الوقت لكى تشدى انتباة زوجك لكى ويحاول هو التقرب ليكى ويكون مشتاقلك

ومش لازم يشوفك على طول لابسة جلابية او ترنج حاولى تغيرى نفسك وتكونى كل يوم واحدة شكل حتى دة يكون لنفسك ولولادك انهم يشوفوكى لابسة حجات غير مش متعودين عليها منك ويكون مظهرك حلو

وحاولى انك تكسبى جوزك واولادك افضل من انهم يكونو مشكلتك يكونو سبب سعادتك فى الدنيا مهما كانت الاسباب
الرجوع الى أعلى الصفحة اذهب الى الأسفل
sesamy
الاداره
الاداره
avatar

♂ ولــد / بنــــت ♀ انثى مُشآركاتيّ : 2389
دُعاآء اليومّ : اللهم اكفني بحلالك عن حرامك واغننى بفضلك عن من سواك
نقآطيّ : 7865
السٌّمعَة : 6
ُعُضويتيّ : 28/11/2008
الموقع : anty.banouta.net
الهوايه : الكتابه
♔ علمـ بلدي ♔ : امـ الدنيا
✿ مزاجِې النـﻬاردهـ ✿ : دلوعة
الاوسمه :

الاضافات
ساعة المنتدى:

مُساهمةموضوع: رد: أرجوكم انقذوني   الثلاثاء ديسمبر 22, 2009 3:43 am

اقتباس :
حتى لو انتو الاثنين مش فى دماغكوا انها تكون ليلة حمرة بس تكونى انتى


والله ضحكتنينى


هى لازم تكون الليله حمراء

عارفه انتى طفلك - ربنا يخليهولك - لسه مولود مالهوش شهر

اما انا عندى 2 والكبيره بتفهم ووخدينها ورديات واحد ينام والتانى يصحى

فليكى انك تتخيلى الوضع .. بس الحمد لله

انا مسيطره على الحاله وربنا يعيننا

وده للاسف للاننا مش بنعود اطفالنا ان يكون لهم

غرفه خاصه واحنا لنا غرفه خاصه بينا

عارفه الموضوع ده فى ايديكِ دلوقتى

عودى طفلك ينام فى اوضته

وده على ما اعتقد من الاسلام وهو تفسير الايه الكريمه
قال عز وجل : " يا أيها الذين آمنوا ليستأذنكم الذين ملكت أيمانكم

والذين لم يبلغوا الحلم منكم ثلاث مرات

من قبل صلاة الفجر

وحين تضعون ثيابكم من الظهيرة


ومن بعد صلاة العشاء

ثلاث عورات لكم

ليس عليكم ولا عليهم جناح بعدهن طوافون عليكم "


وهى ان الام والاب يكونون فى غرفه منفرده

ولا يدخل علهم اطفالهم من دون استئذان خاصة فى الاوقات المذكوره فى الايه الكريمه

وهو روتين لابد من تعويده للطفل وهو مازال فى المهد

لان الطفل الذى ينام بين والديه .. لا يشعر بالامان وتكون شخصيته فيما بعد غير سويه

والله تعالى اعلى واعلم





الرجوع الى أعلى الصفحة اذهب الى الأسفل
http://anty.banouta.net
شهدالقلوب
مديره القصور الاسلاميه والثقافيه ومطبخ المملكه
مديره القصور الاسلاميه والثقافيه ومطبخ المملكه
avatar

♂ ولــد / بنــــت ♀ انثى مُشآركاتيّ : 760
العمر : 34
دُعاآء اليومّ : عال العال
نقآطيّ : 4937
السٌّمعَة : 14
ُعُضويتيّ : 17/11/2009
❤ ﻣﭕﻼﺩﻱ ❤ : 09/07/1984
الموقع : مصر
الهوايه : الكتابه
♔ علمـ بلدي ♔ : امـ الدنيا
✿ مزاجِې النـﻬاردهـ ✿ : شايله جروحى
الاوسمه :




الاضافات
ساعة المنتدى:

مُساهمةموضوع: رد: أرجوكم انقذوني   الثلاثاء ديسمبر 22, 2009 8:24 am

أشكركم على كل المعلومات القيمة وجعلها الله في ميزان حسناتكم

وربنا يوفقنا جميعا لما يحبه ويرضاه

لقد تأكدت فعلا من اننا لسنا مجرد مشتركات في المنتدى

لكننا فعلا أخوات في الله وذلك لأننا ننصح بعض

ولا نبخل بالنصيحة فأرجو أن يديمها الله علينا

ويأجرنا على ذلك

ومرة أخرى شكرا لكل من كتب ردا ونصيحة

وسأحاول تنفيذ كل هذه النصائح
الرجوع الى أعلى الصفحة اذهب الى الأسفل
 
أرجوكم انقذوني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
صبايا نواعم :: بحور الحياه الخاصه والشخصيه للنواعم .. Private and personal life :: سوبر مامى ( للامومة والطفولة )-
انتقل الى: