بعض الاكلات المصريه .. بالصور

زائر

السلام عليكم ورحمة الله وبركاته

____________________________

1- طريقه عمل صينيه البطاطس

المقادير :

كيلو بطاطس _ نص كيلو طماطم _ ( او 3 ملعقة كبيرة صلصة مذابة فى ماء ) _ ملح

_ فلفل _ بصلة متوسطة _ 2 ملعقة سمن _ قطع لحم حسب العدد المطلوب

_ 3 فصوص ثو م _ عدد 2 حبة طماطم شرائح

الطريقة :

_ تغسل البطاطس و تقطع حلقات متوسطة التخانة

_ يقشر البصل و يقطع حلقات متوسطة

_ تغسل قطع اللحم و توضع فى الصينية توضع البطاطس و الملح و الفلفل و الثوم و الصلصة

و نرصص حلقات الطماطم على وجه الصينية ثم نوزع السمن على الوجه

_ نضعها الاول على عين البوتجاز من فوق الى ان تستوى نص سوا

_ مع تزويد قليل من الماء كلما احتاجت

_ نضعها فى فرن متو سط الحرارة الى ان تستوى و يصبح لونها احمر جميل

و با لهناء و الشفاء

ملحوظة :::

اذا كا نت اللحمة بتلو او ضانى تو ضع كما شرحت فوق

واذا كانت اللحمة كندوز يفضل ان تسلق اولا لوحدها ثم تو ضع فى الصينية كما شرحنا فوق .

***********************************************************************************

2- كباب حلة

المقادير:

اللحمة حسب الكمية اللى انتى عاوزاها يعنى كيلو او اكتر او اقل

لحمة مغسولة و مقطعة مكعبات __ ملح و فلفل __رشة بهارات لحمة

__ بصلة متوسطة مبشورة او بصل قاورمة ( الصغير قوى ) سليم زى ما هو

_ ملعقة كبيرة سمن __فصين مستكة و فصين حبهان __ فحم (حوالى 2 قطعة كبيرة ) فوطة مطبخ نظيفة .

الطريقه :

_ ضعى السمن فى حلة على النار الى ان يسخن ثم اضع البصل الى ان يصفر ثم اضع الحبهان

والمستكة ثم اضع اللحمة و اقلب كلة كويس قوى لحد لونها ما

يتغير و يتحمر شوية و تشرب مايتها

افضل ازود شوية ماء فى شوية ماء لحد ما تستوى و تشرب مايتها

فى هذه الاثناء اكون ولعت الفحمة و احمرت خالص

ازيح بالملعقة اللحمة على الاجناب و فى النص اضع الفحم المولع بسرعة و اضغ غطاء

الحلة بسرعة قبل الدخان ما يطلع برة ثم اغطى الحلة تماما بالفوطة لمنع خروج اى دخان

تترك مغطاة حتى موعد الاكل تقدم مع ارز ابيض و سلطة طحينة

و بالهناء و الشفاء

***********************************************************************************

3- ( الحمام المحشى )

المقادير :

( مطلوب) حمام بعدد افراد الاسرة او حسب الرغبة) .

كوب أرز _ أو حسب عدد الحمام

ملعقة صغيرة فلفل أسود

ملعقة صغيرة ملح _ بهارات _ ملعقة كبيرة كمون .

الكبد والقوانص بتاعة الحمام (بعد تقطيعهم لقطع صغيرة)

بصلة كبيرة أو بصلتين متوسطتي الحجم

ورق لورا _ 2 فص حبهان _ 2 فص مستكة _ 2 ملعقة كبيرة سمنة

(سمن و زيت للتحمير )

الطريقة :

- قومي بخلط البصل مع الملح والبهار والكمون والفلفل الأسود

- قومي بإضافة الكبد والقوانص المقطعين إلى الخليط

- اغسلي الأرز

- ضعي الخليط كله على الأرز مع السمنة و اخلطية كويس

- أبدأي بحشو الحمام واحدة واحدة

من الأسفل ومن عند الرقبة فوق (بشرط انك ما تمليش الحمامة بالحشو

لأن الأرز يينفش وبيزيد فى الماء اثناء السلق

- اقفلى الحمام المحشي بوضع الرجلين فى الفتحة اللى تحت او خيطية بابرة و فتلة)

- ضعي الحمام في ماء مغلى وبصلة صغيرة وأوراق اللورا و ملح و كمون .

مع ملاحظة انه يفضل ان توضع الحمامه على قفاهاوان تكون الحلة كبيرة عشان لو الحلة صغيرة

على الحمام ممكن رجلين الحمام يقطع الحمام اللى جنبه على النار

-بعد ما يستوى نص سوا بنشيلة من الشوربة و نشوحة فى حلة تانية فيها ملعقة سمنة

و الحبهان و المستكة ثم نصب عليهم الشوربه لحد ما الحمام يستوى

-بعد السوى تشيلية بالراحة فى طبق لحد ما يبرد

-ثم تحمرية فى مقلاية بها زيت و سمن

و بالهناء و الشفاء

تابعى ....

زائر

4 - صينية المكرونة بالبشاميل

^^^^^^^^^^^^^^^^^^^^^^^^^^^^^^^

تستلزم عمل بشاميل وعصاج

* اولا : طريقة عمل العصاج

المقادير:

[ نص كيلو لحمة مفرومة _ بصلة متوسطة مفرومة ناعم

_ملح فلفل اسود _2 ملعقة كبيرة سمن _ بهارات لحمة

الطريقه:

***اضع السمن على النار الى ان يسخن ثم اضع البصل الى ان يصفر

ثم اضع اللحمة المفرومة و اقلب واحدة واحدة بالمعلقة الى ان تستوى

و يصبح لونها بنى اتبلها و اقلب ثم اشيلها من على النار .

( اذا كنت عايزة العصاج بالصلصة اضيف للحمة على النار 2 ملعقة كبيرة

صلصة طماطم و نص كوب ماء و اخليها تستوى و تتسبك )

* ثانيا : طريقة عمل البشاميل

المقادير :

3ملعقة كبيرة سمن _ 2 ملعقة كبيرة دقيق _ حليب - ملح فلفل

_ 2 بيضة مضروبة بالشوكة _ ملعقة كبيرة قشطة

الطريقه :

***اعمل البشاميل احسن فى حاجة غويطة اضع السمن على النار الى ان يسيح

اضع الدقيق على نار هادية و اقلب تقليبة بسرعة

ابدء بالراحة انزل الحليب الدافى بايدى الشمال و ايدى اليمين عمالة تقلب

بسرعة بحركة دائرية و هكذا الى ان اصل بالبشاميل الى التخن اللى انا عايزاه ( كما فى الصوره )

اضع التوابل و البيض و اقلب تقليبه ثم اضع القشطة و اطفى النار و اقلب تقليبه .

بالنسبه لعمل الصينيه نفسها :

المقادير :

بشاميل كيس مكرونة فرن (ريجينا ) _ 2 بيضة مضروبين بالشوكة _

و عليهم رشة ملح و فلفل _ 3 ملعقة كبيرة جبنة رومى مبشورة

طماطم مبشوره .

الطريقه :

اسلق المكرونة فى ماء مغلى مع ذرة ملح و ملعقة زيت

اصفيها من ماء السلق و اشطفها كويس بالماء البارد واصفيها فى المصفاة

احضر صينية و ادهنها بشاميل مش سمنة

اضع البيض المضروب على البشاميل عندما يبرد

واضع الطماطم المبشوره على المكرونه و اخلط بايدى كويس

ثم اضع نصف المكرونة فى الصينيه و اسوية كويس ثم اضع العصاج

و اسويه كويس ثم اضع باقى المكرونه و اسويها ثم اضع بشاميل على الوجة و افرده

و اسوية كويس ثم ارش على الوش ملعقة كبيرة جبنة مبشورة

ادخلها فرن متوسط الحرارة لحد ما تستوى و وشها حيحمر

ملحوظه : يمكن معرفه درجه سواها بغرز شوكه فيها

فان خرجت سليمه بدون بشاميل تعرفى انها استوت .

وممكن برضه لما تطلع من الفرن تغطى الصينية حتلاقيها طريت .

بالهناء و الشفاء

**********************************************************************

نصائح :

________

-حبدء شوية شوية فى الحاجات اللى تحطيها فى الفريزر تنفعك تطلعى منها وتطبخى على طول

اللحوم :

بالنسبة للحمة المفرومة ممكن تعصجيها كما سبق وبعد ماتبرد تعبيها فى اكياس نايلون

و تحطيها فى الفريزر ( عشان الصوانى _ المكرونة و الكوسة و المسقعة والخرشوف و البطاطس المحشية......الخ)

يعنى الكيس الواحد يعمل صينية واحدة

- أو يتبل بالبصل و الثوم و الخضرة و التوابل و تشكلية زى ما انتى عايزة (مثل الكفتة)

اما ( كوّر ) لداوود باشا او صوابع للشوى او صينية او بانية وذلك بعد عمل الكفتة

ترصصيها جنب بعض فى طبق فل و تحطى الطبق فى كيس نايلون

-،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،

-بالنسبه للبفتيك و الفراخ البانيه :

نتبلها و نحطها في أكياس في الفريزر ولما نخرجها اما نضعها على طول فى بيض و بقسماط

ونحمرها او نحطها زى ماهيه فى صينية وتبقى صينية لحمة بالبصل او فراخ بالبصل .

-،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،

-الفراخ المخلية من العظم ممكن تحشيها مثلا بالخضروات و تلفيها فى ورقة فويل

و تحطيها فى الفريزر ولما تخرجيها على السوى على طول .

،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،

الحمام :

ينظف جيدا و يتبل و يوضع فى طبق فويل فى الفريزر و لما تطلعية تعملية صينية كولبست .

،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،

السمــــــــــك :

تنظف جيدا و تتبل و توضع في الأكياس ثم توضع في الفريزر حتى الاستعمال

تخرجيه و تحطيه فى الدقيق و تقليه فى الزيت .

-اما السمك البانية مثل( فيلية البلطى او قشر البياض) تتبلية بس

و تحطية فى كيس نايلون . ولما يطلع تحطية فى بيض و بقسماط .

تابعى ....

زائر

5 - المحشي بأنواعه للمبتدئات في عالم المحـشـي

=======================================

أولا: مقادير الخلطة:

2 ربطة بقدونس و 1 ربطة شبت مخرطين رفيع جدا (بالسكينة مش بالمفرمة)

2 كوب صلصة طماطم أو أكثر حسب حجم الكوب لديك (أنا بصراحة أعاير بالنظر)

5 بصلات كبار مبشورين

توابل : ملح و فلفل و بهارات ( و نعناع أخضر مطحون حسب الرغبه )

سمن أو زيت ذرة حسب الرغبة

طريقة الخلطة:

نخلط المكونات ببعضها جيدا في طبق عميق ثم نضيف عليه 3 أو 4 أكواب من الأرز

بعد تنقيته و غسله جيدا و نقلبه في الخلطة جيدا . وتسمى هذه الطريقه النـىء × نـىء .

او نحمر البصل على النار ونضع عليه الصلصه حتى تسبك ثم يوضع فـص كبير من الثوم المهروس

ثم توضع بقيه المكونات الى تستوى نصف سوا .. وتسمى بالطريقه المسبكه .

بالنسبة للكرنب

نفصل أوراق الكرنب عن بعضها ثم نسلقها واحدة واحدة لمدة 2 أو 3 دقيقة في مياه تغلي بها كمون .

ثم نصفي الاوراق في المصفة ثم نقسم الاوراق إلى اوراق اصغر في حجم نصف الكف تقريبا.

قطعي الورقة بالسكين من جانب العرق بالطول لتحصلين على ورقتان يفصلهما العرق .

ضعيها على طاولة المطبخ واحشيها بالحشوة ولفيها كالرول ( مثل طريقة الورق عنب )

على يدك اذا كنت متمكنه .. نلفها جيدا بحيث لا يتساقط منها الارز عند رصها في إناء الطهي .

نرص الاوراق فوق بعضها و عند انتهاء الكمية نضعها على النار و نضيف لها كمية من المرق المضاف

اليه القليل من الملح و صلصة الطماطم و السمن أو الزيت و لا يلزم ان تغطيه المرقة تماما.

و عندما يغلي و تشعرين انه بدأ يتشرب المرقة خفضي النار له و اتركيه حتي ينضج الارز و الكرنب نفسه.

ورق العنب:

نحضر الاوراق و نمسك الورقة بالجزء الناعم ملاصق للكف أي الى اسفل و الجزء الخشن للداخل

و نضع عليها جزء من الحشوة و نلفها و نتبع نفس الخطوات السابقة مع الكرنب مع اضافة

عصير ليمون للمرقة و نسويه بنفس الطريقة.

الباذنجان:

ننزع قلبه بعد أن نضغط عليه بكفنا قليلا لتطريته ثم نحشيه بالحشوة و لكن لا نحشيه

حتي النهاية و لازم نترك فراغ عشان الارز يستوي براحته. و نرصه في الاناء و نضع له

المرقة حتى ثلثي الاناء و نسويه عادي زي الكرنب و و رق العنب .

الفلفل الاخضر:

ينزع قلبه (البذور) و نحشيه و نترك مسافة بدون حشو و نسويه بالطريقة السابقة كالباذنجان.

الكوسة:

"نحكها" (مش عارفة بديل للكلمة دي) ثم ننزع قلبها و بعدين نحشيها و نسويها بنفس طريقة

الباذنجان لكنها تاخذ وقت اقل منه في الطهي . و ممكن تحشى بدل الخلطة دي بلحم مفروم معصج

و ترص في صينية ثم يوضع وقها بشاميل و تدخل الفرن . يعني ممكن بالطريقتين .

الطماطم :
ننزع قلبها و لكن نترك جدارها سميك و نحشيها و نتبع نفس الخطوات في الطهي.

البصل:

نقشره و نغسله و ننزع جزءا من قلبه و نترك جدار سميك و نحشوه و نسويه بنفس الخطوات .

بالهناء و الشفاء

و يا رب تكون كل الوصفات عجبتكم .

يمممممممم يممممممم

اكلات ولا اشهى

واكثر ما اعجبنى هو اهتمامك بتدعيم كل اكله بالصور

اتمنى من الله ان تتقدمى اكثر واكثر اخت دودى .

واشكرك على اللوجو ده .

زائر

زائر

تسلم الايادى
مشكوره على الاكلات الحلوه دى
فتحتى نفسى للمحاشى بالذات

زائر

» البقلاوة بالصور
» بيتزا كودو ....بالصور
» موسوعه قصص للأ طفال ْ~ بالصور ْ~
» اكلات عيد الاضحى بالصور
» تسييح الزبده بالصور