اخيراً قدامك ..(1) اول لقاء مع طفلك

اول لقاء مع طفلك ... الجزء الاول ..

بعد انتظار 9 اشهر وبعدما بقى حقيقه

ملموسه قدامك , لا تنزعجى ان كان شكل

طفلك مختلف عما تخيلاتك له .

يعنى ممكن راسه تكون غير منتظمه

وبشرته مجعده ومشعره , لونه مختلف ,

وعينيه منتفخه ..

كلها ظواهر طبيعيه جداً ناتجه عن

وجوده 9 اشهر فى الرحم بالاضافه لرحله

الولاده الشاقه والمهلكه له .

لا تقلقى ففى خلال ايام او اسابيع

على الاكثر ستزول كل الاعراض ويبقى

اجمل بكثير عما كان بخيالك

اخيراً قدامك ..(1) اول لقاء مع طفلك Born0

تابعى >>>>>>

البشره :

بعد الولاده مباشره يكون لون

الطفل مائل للبنفسجى وده بسبب المجهود والضغوط

التى تعرض لها اثناء الولاده , وان شاء الله هتستعيد

البشره لونها الوردى الطبيعى

( اللى بنسميه الحمره الورديه ) مع الوقت ..

شكل الرأس :

وقت الولاده بتاخد الرأس شكل قرطاسى

وده لان مرونه عظام الجمجمه عند الطفل هى اللى

بتسهل مروره فى حوض الام الضيق اثناء الولاده ,

فتلاحظى ان رأسه شكلها غير منتظم ..

وان شاء المولى عز وجل هتستعيد شكلها

الطبيعى مع الوقت .

ملمس الرأس :

هتلاحظى وجود فراغين ( يافوخين )فى عظم جمجمته

تحت الجلد على طول واحد ,

احداهما : فوق الجبين وده كبير نسبياً

والثانى :اصغر حجماًوموجود فى مؤخره الجمجمه

لانهم مسؤلين عن توفير الليونه لعظم الجمجمه

وبالتالى تسهيل عمليه الولاده عليكى

وعلى طفلك .. سبحان الله .

ومع ذلك لازم تتعاملى معها بحذر شديد جداً

لانها رقيقه جداً وما تضغطيش عليها ,

وباذن اله تعالى هيختفوا تماماً مع اكتمال

عضم الجمجمه ..

الخلفيه حتختفى بعد الولاده بايام ..

والاماميه عند سن سنه ونصف تقريباً .

تابعى >>>

ثدى الطفل :

عند بعض الاطفال سواء اولاد او بنات حديثى

الولاده ممكن نلاحظ تورم الثدى , وبالضغط عليه ينزل سائل

شبه اللبن , وده شىء طبيعى ومش هيستمر لفتره طويله

وهيروح لوحده .

المهم لا تضغطى على ثدى المولود لغرض عصره واخراج اللبن

لأن ممكن يدخل ميكروبات ويعمل خراج لا قدر الله ,

واحسن حل سيبيه زى ما هو , لو حسيتى ان المنطقه

وارمه زياده عن اللزوم , راجعى الطبيب فوراً .

حيض كاذب

ممكن برده تلاحظى وانت بتغيرى لبنتك

وجود قطرات الدم فى منطقه الجهاز التناسلى ,

وده ما هو الا حيض كاذب وله أسبابه الطبيعيه

وهيروح مع الوقت لوحده .

السره :

عند الولاده يربط الحبل السرى

بملاقط بلاستيكيه على مسافه على مسافه 2 سم من السره ,

فان كان أول طفل لكِ , قد يبدو المنظر مقلق

لكن لا داعى لذلك لأنه بعد 6 : 14 يوم يذبل الحبل

ويسقط وحده ومعه الملقاط لكن من المهم جداً تنظيف السره

بالكحول الابيض 4 مرات يومياً حتى يسقط الحبل ,

وبعدها كمان اذا كان فيه افرازات بداخل السره .

تابعى >>>

العينين :

الانتفاخات الناتجه عن الولاده بتؤدى الى الاعتقاد بان بالعينين ( حول ) ,

لا تنزعجى , فما هى الا ايام معدوده وياخذ الانف شكله النهائى ويختفى الانتفاخ

ويصبح كل شىء على ما يرام ان شاء الله .

ايضاً لون العينين بيكون مائل الى الازرق , لكن لا يمكن تخمين لونهم الحقيقى

بعد كده هيبقى ايه !

ومن الضرورى استخدام قطره مضاد حيوى ( مثل توبرين ) طبعاً يكتبها الطبيب

حمايه لعين الطفل التى من الممكن ان تكون قد تعرضت لميكروبات اثناء الولاده .

ملحوظه بعض الاطفال تكون لديهم افرازات
من احدى العينين دون الاخرى باستمرار
وهؤلاء قد تكون القناه الدمعيه لديهم غير مكتمله
وعليه ان لاحظتى ذلك فيجب عليكى استشاره
طبيب عيون فوراً لانه لها تمارين وقطرات خاصه
والا ستضطرين لا قدر الله فيما بعد لاجراء عمليه

الوزن

طفلك هيفقد شويه من وزنه فى اول كام يوم من حياته وده وضع متوقع وطبيعى

اولا : لانه بعد ولادته بيخرج كميه من السوائل اللزجه مع البراز اللى كانت

معاه طول فتره الحمل وما بقاش لها اى احتياج دلوقتى .

ثانياً المجهود اللى بيبذله فى عمليه الرضاعه ما بيقدرش يعوضه

بكميه لبن كاف توازى المجهود ده .

وهنا بيجى دورك انك تساعديه فى الحصول عل اللبن الكافى وده عن طريق

تعليمك لنفسك ولطفلك كيفيه الرضاعه الصحيحه علشان يستعيد الوزن

اللى فقده وينمو بصحه ان شاء الله سبحانه وتعالى .

تابعىىىىىىىىىىىى

انكماش اليدين والرجلين

ممكن يحتفظ المولود الجديد بوضعيه منقبضه

مع عدم القدره على مد يديه ورجليه ,

وده طبعاً ناتج عن الوضعيه التى تعود

عليها داخل الرحم , وعمليه مد الاعضاء

هى عمليه متواصله بتدوم من خمس الى ست اشهر .

اصفرار اللون

معظم الاطفال بيظهر عليهم لون اصفر

على الجلد او فى بياض العين ودى اسمها

الصفراء الفسيولوجيه ( يعنى امر طبيعى

اسبابه العلميه , المهم انه امر لا يزعجك ,

كل المطلوب قياس نسبه الصفراء فى دم طفلك

فى اقرب مستشفى ومن الطبيب تعرفى اذا كانت

النسبه دى تحتاج لتدخل طبى او انها فى الحدود

, وفى حاله التدخل الطبى برضه متقلقيش

لأن ده بيستوجب وضع الطفل فى ضوء أزرق

فى الحضْانه بضع ساعات ويجب التنويه على ان

الاباجوره الفلورسنت فى البيت لا تفيد .

[img:0ae2]http://www.acaciabahrain.com/aboelezz/images/16-01-2009/011[1].jpg[/img:0ae2]
تابعىىىىىىىىىىىىى

الختان ( الطهاره )

تتم الطهاره للذكور فقط وليس للاناث ,

من المستحب ان يتم الختان للذكور اول يوم

بعد الولاده , واذا لم يتم لأى

سبب فيكون بعد 40 يوم من الولاده .

:roll:

فطريات على لسان طفلك

يمكن ان تلاحظى وجود بعض النقاط البيضاء

على لسان طفلك او على سقف الحلق , هذا

امر طبيعى وساعات يكون بسبب اللبن ,

لا تقلقى لكن استشيرى الطبيب حتى يصف لك

العلاج المناسب لأن وجود هذه الفطريات

يزعج الطفل اثناء الرضاعه .

طبيعه الطفل

ممكن الطفل يتبرز اكثر من 5 مرات يومياً

وده انعكاس طبيعى جداً , انه بعد كل

وجبه يتبرز يعنى لا تعتبريه اصيب بالاسهال .

كمان ممكن يكون بيعانى من امساك وده لو

عدى على الطفل 24 ساعه بدون ان يتبرز ,

الحاله دى احسن تستشيرى الطبيب لأن

الامساك ممكن يتسبب له فى مغص .

تابعى×××××××××××××

المغص

طبيعى ان الطفل فى ايامه الاولى يصاب بمغص

وده نتيجه انه مش متعود على عمليه الهضم

التى تبدأ مع اول يوم رضاعه له وهناك

للمغص بانواع مختلفه لكن استشيرى الطبيب

قبل استخدامها .

تحليل الغده الدرقيه

طبيب الاطفال المسئول عن طفلك سيوجهك

لأنك تروحى مكتب الصحه فى خلال ( اسبوع )

من الولاده علشان يتم اختبار للطفل

( وان نسى الطبيب فعليك الا تنسى انتِ ) ,

هذا الاختبار هو عباره عن اختبار لنسبه

هرمونات الغده الدرقيه وده بيتعمل بشكه

بسيطه فى كعب قدمه , يعنى اوعى تترددى فى

تعملى التحليل ده لطفلك لأنه مهم جداً .

كما انهم سيطالبونك برقم تليفونك ( العادى

او المحمول ) لانهم سوف يتصلون بك ان كان الامر

مهم ويستدعى ذلك لا قدر الله .. ولا تنسى ان

الوقايه خير من العلاج .. كما ان العلاج

العاجل خير من الآجل .

ملحوظه : من ضمن الاجراءات الروتينيه

لأى عمليه ولاده , ان يقوم طبيب أطفال

متخصص بفحص المولود فور ولادته ومراجعه

كل الاحتمالات علشان تطمئنى على طفلك

سالماً معافاً ان شاء الله .

وبكده نتفق تانى , لا تنزعجى ,

شكيتى فى اى حاجه استشيرى الطبيب .

تم بحمد الله الجزء الاول لهذه السلسه ( اخيراً قدامك )

زائر

معلومات غايه فى الاهميه
ميرسى

ميرسى يا ديدى
عقبال ما ربنا يرزقك بيهم

زائر

الله يعافيك يا زيزت

زائر

يسلمممووو هالطله الحلوه

» اخيراً قدامك ( 4 ) نمى حواس طفلك
» اهتمي بنفسك .. سلسلة اخيراً قدامك
» سلسلة اخيراً قدامك .. معجزة الرضاعة
» اخيراً قدامك .. نحن نهتم بطفلك منذ يومه الاول
» اخيراً قدامك ( 2 ) هدفنا واحد .. نموه الصحي