مُشآركاتيّ : 2395 دُعاآء اليومّ : اللهم اكفني بحلالك عن حرامك واغننى بفضلك عن من سواك نقآطيّ : 10165 السٌّمعَة : 6 ُعُضويتيّ : 28/11/2008 الموقع : anty.banouta.net الهوايه : ♔ علمـ بلدي ♔ : ✿ مزاجِې النـﻬاردهـ ✿ :
الاضافات ساعة المنتدى: Digital Clock HI, THE TIME IS
موضوع: قبل ما تدخل اى شركة ربحية الأربعاء مارس 24, 2010 4:19 am
]السلام عليكم ورحمة الله وبركاته
بدون مقدمات
قبل ما تدخل اى شركة ربحية .. هل اتعرفت على الاحكام والشروط بتاعتها ؟؟؟؟؟
عرفت انه فيه بعض وان ماكانش معظم الشركات دى فيها طريقة اليانصيب
ومعروف ان اليانصيب محرم شرعاً ولا يخفى على الجميع انه لون من الوان القمار
وقد جاء في الحديث الصحيح : " إن الله طيِّب لا يقبل إلا طيبًا " صدق رسول الله صلى الله عليه وسلم
وان كان ( الدال على الخير كفاعله ) فاعتقد انك ان دللت على شر فعلته ( والله اعلم )
وان توقع غيرك فى شر او فى موقع يربحك عن طريق اليانصيب او انك اذا تركته ،
فان نقاطك او اموالك تذهب لليانصيب .. وتدل غيرك عليه .. اى شر اكبر من ذلك
للأسف فان معظم من يدخل هذه الشركات لا يقرأ لا الشروط والاحكام ولا سياسة الخصوصية
هل تعلم ان من هذه الشروط والاحكام ما ينص بانك ( او من يرثك ) تعوض الشركة وتدفع للوكلاء
واتعاب المحامين ... الخ عن سوء الاستخدام ... او ... او ... الخ .
يعنى مش انت وبس لأ ده كمان لو بعد الشر جرالك حاجة الورثة مطالبين بالتعويضات
وشوف بقى كام واحد حتدفعله .. وده يمكن يكون ضمن خطة من الغرب
لن تتضح النوايا الآن !!! مين يعرف ؟؟؟ يا علام الغيوب
لأ واكتر من كده .. يحق ليهم التعديل على الشروط بتاعتهم دون الرجوع اليك ..
وتكون فى حيز التنفيذ طالما وضعوها ... من غير ما تعرف / يدولك خبر ، هما وراحتهم
وبعدين حتفرق فى ايه اذا كان انت ما قريتش سياستهم او شروطهم من الاول يبقى لما حيعدلوا براحتهم
عليها انت حتهتم وتقرأ .. لا اظن ( يا فرداً من أمة " اقرأ " ) .
قبل ما يخلص الكلام : احرص على قراءة الاحكام والشروط ( ما انا ما باعرفشى انجليزى)
ياااااا سلالالالالام
امال ترجمة جوجل وبابليون والحاجات دى بتعمل ايه ؟؟؟
شوية وقت بسيط قوى تعمل copy للاحكام والشروط ( terms and conditions ) وسياسة الخصوصية
(privacy policy ) وتلزقها past فى ترجمة جوجل
او بابليون ودوس على ترجم ( translate ) .
وتشوف انت حتعمل ايه فى نفسك وفى اهلك ( ورثتك )
وفى الناس اللى حتعرض عليهم انهم يشتركوا عن طريقك
ده غير الشركات النصابة اللى بتخليك تشتغل
اشهر وتخلى ناس كتير تشترك
عن طريقك ( الحقوا .. اربحوا ... والله العظيم .. وتغلظ فى الايمان )
وفى الآخر ( بومبة نصباية ) ما فيش اى فلوس
يعنى وقت بيروح على الفاضى .. مش بس وقتك لأ وكمان الغلابه اللى بيصدقوك
اللى كلهم امل انهم يكسبوا ( ما هو اللى فى دماغ الشباب اليومين دول ... غير القشرة طبعاً
" خربش واكسب " كله عاوز يكسب من غير ما يشتغل ) طبعا مش كل الشباب ولله الحمد
ده غير الشركات اللى بتعمل تجسس عليك وعلى غيرك .. ما هو من الشروط برضه
اللى لا حضرتك ولا اللى انت دعيتهم ( لهم نصيب من الغلط طبعاً ) بتقروها
شرط : انهم بيحطوا ملفات كوكيز على جهازك علشان يجمعوا معلومات عنك
وعن ميولك التسويقية واى حاجة هما محتاجينها Bla , Bla , Bla ...
وانهم بيدوا المعلومات دى لطرف تالت ازيدك من الشعر بيت : انهم غير مسؤلين عن اللى يعملوا الطرف التالت ده او عن اى فقد لمعلوماتك او خصوصيتك هما ليهم خصوصية لكن انت لأ وان كان عاجبك
ارجوك اقرأ واحب اكلمك فى النهاية عن
الآيه الكريمة التى بتلاقيها فى كل المنتديات والغريبه انها بتمر على ناس كتير للأسف مرور الكرام ( ما يلفظ من قول الا لديه رقيب عتيد ) ايوه هى الآيه دى دى اللى معناها انك كل اللى بتقوله / بتكتبه / بتعترض او بتوافق عليه اما عند رقيب ( ان شاء الله ) او عند عتيد ( والعياذ بالله ) خلى بالك واوعى تعمل حاجة ، تندم عليها وتقول ما كانشى قصدى او ما عنديش وقت للقرايه ( القراءه يعنى )
التسجيل 
موضوع: قبل ما تدخل اى شركة ربحية 
الأربعاء مارس 24, 2010 4:19 am
)
... والله العظيم .. وتغلظ فى الايمان ) 
نصباية 
) ما فيش اى فلوس 
