لا للفيديوهات المسيئة لمصر

ياريت اللى تقدر تنشر الموضوع وتوصله لكل اللى تعرفه إخواتها ...أصحابهم ولكل اللى عنده أكونت على الفيس بوك

أول النت ميشتغل

عدم وجود النت خلانا معتمدين على صور التليفزيون والحمد لله برضه الأمور محكومة

ياريت محدش يرفع أى فيديوهات تسئ لشعب وصورة مصر

عندك فيديو إجابى شباب عاملين لجان شعبية...أنشريه

شباب سهروا فى الشوارع ليلة باردة فى حب مصر يحموا شوارعها وأهاليهم.... أنشريه

شباب بينظفوا شوارع حبيبتى مصر......أنشريه

بس حذارى تنشروا مايسئ لحبيبتى الغالية ..... أحذروا تنشروا فيديوهات بلطجية وعصابات أنا إتصلت بأهلى وإخواتى وأصحابى فى مصر وقولت أضعف الإيمان إكتبوا ورقة مكتوب فيها

لاااااااااااا لرفع فيديوهات البلطجة
لااااااااااا لنشر فيديوهات العصابات والتخريب
لااااااااااا تسيئوا لمصر بدون قصــــــــــــــد

كل اللى تقدر توصل لأهلها الرسالة دى تبعتها


لا تسيئوا للحبيبة بدون قصد

الحسنة بتخص والسيئة بتعم

من أخت ليكم مغتربة ...... ومش عايزة تشوف أمها الغالية فى عيون الشعوب التانية بصورة وحشة

مصر عظيييييييمة أوى وشبابها شباب زى الفل حاااااااااااااااجة مشرفة اوى اوى اوى

بلاش ننشر السيئة خلينا نورى العالم أهل مصر الحقيقيين

أصحاب النخوة والمرؤة والجدعنة خلينا نوريهم شباب الأمل

الحمد لله عمر مصر ما هترجع ورا طول مافيها شباب زى الورد كده

اللهم أحفظهم لينا وبارك لنا فيهم

أرجو التثبيت ورفع الموضوع حتى يظل فى المقدمة ولما يرجع النت

البنات كلهم يشوفوه ويحطو هنا أحلى فيديوهات لأحلى وأعظم شعب

الموضوع كتبته هنا أمس وتثبت فعلا لكام ساعة ثم تم نقله لقسم أخر

أنا مش كاتبه الموضوع لوضع فيديوهات أنا كاتبة الموضوع لعمل حملة منع رفع فيديوهات بلطجية وأسلحة وتخريب

قبل ما النت يرجع مصر ونلاقى سييييييييل من فيديوهات مخجلة من قلة محرضة لا تنتمى لبلدنا العظيم ولو كانوا

يحملون الجنسية المصرية خطأ

أرجو من كل البنات نشر الحملة فى كل المنتديات واللى تقدر تعملنا توقيع يحمل نفس الفكرة يلا ورونا الهمة

أهو نشارك بأى حاجة فى حب مصر....إحن مش أقل من الناس اللى بايتة فى الشارع يحموها

إحموا بلدكم .......كل واحد يحميها بطريقته

يااااااااااا حبيبتى يا مصـــــــــــــر

أرجو التفاعل

وما من كاتب إلا سيفنى ............ ويبقى الدهر ما كتبت يداه

فلا تكتب بكفك غير شئ............يسرك يوم القيامة أن تراه


ارجو ان تدعو لصاحبة الموضوع

بارك الله فيك حبيبتى

حمله ان شاء الله تؤجرى عليها

بس انا عارفه انه فى الظروف الحاليه اى واحد بيحب يحط اللى عنده

والله اعلم بالنوايا ..

يثبت الموضوع على شكل اعلان عام لاهميته القصوى