تمليح الزيتون الاخضر

هذه الايام نسمع ان الزيتون المخلل يتم غشه

اما اخضر فيضاف له مادة ( البوتاس )

و محلول البوتاس يشبه إلى حد كبير اللبن الحليب وهو مادة كاوية

نعم هى التى كانت تستخدم قديماً فى غسل الملابس

وكانوا يحذرون ليلاً ونهاراً من ان شربها او اكلها

يؤدى الى ضيق المرىء والامعاء

ويشبه الحلوى واللبن وكان التحذير ليل نهار فى الاعلانات

احذروا اطفالكم .. خدوا بالكم .. bla bla bla

واذا تم سكبه على الجلد فهو مادة حارقة تحرق الجلد وغيره

للاسف هذه الايام يستخدمه ذوى الذمم الخربه والضمائر العفنه

فى تضييع مرارة الزيتون الاخضر

والادهى والامر

اذا اردت زيتون اسود

فاعلم ان هناك من يدهنونه بالورنيش الاسود

لجعل لونه اسود

الا ما رحم ربى

وبعض السيدات يلجأن الى ماء المخلل من عند اصحاب محلات المخلل

ليعطى التخليل نتيجة سريعة

اقول ان هذه النتيجة السريعة هى من مادة البوتاس الكاوية

اختى العزيزة حرصاً على صحتك وصحة اسرتك

اهدى لك



طريقة تمليح الزيتون الاخضر:
المقادير:
- 3ك زيتون اخضر - ك ليمون مقطع حلقات - حزمة كرفس مقطع
- نصف ك فلفل اخضر - راس ثوم مقشر - 2 ملعقة كزبرة ناشفة
- 2 ملعقة خل - زيت - ملح
الطريقة:
- يغز الزيتون بالشوكة ثم يوضع فى اناء به ماء لمدة 3 ايام مع تغير الماء كل يوم.
- يصفى الزيتون ويضاف باقى المقادير وتقلب ثم يوضع فى برطمان.
- يغطى السطح بالزيت .
- يغطى بغطاء محكم .
- يفتح بعد 3 اسابيع .
وبالهنا والصحة والعافية



_________________
اللهم اجعلنا نخشاك كأننا نراك

شكراً اختى العزيزة جعله الله بميزان حسناتك

سمعت عن هذا الموضوع بالتلفزيون منذ فترة

لا اله الا الله

ولا حول ولا قوة الا بالله

وبيتسألوا ليه كترت الامراض ؟

اللهم ارحمنا وارحم اطفالنا يا ارحم الراحمين

وحسبنا الله ونعم الوكيل

مشكووووورة اختى ع التنبيه وايجاد الحل

فعلا ما فيش احسن من الحاجة البيتى

اهلا

شرفني مروركم

مشكوره يا ام ملك
ايوه كدا اللي عنده اضافات
او معلومات جديده
ياريت ما يبخلش بيها لكي تعم الفائده

طريقه حماتى فى تخليل الزيتون الاخضر تحفه بجد


حماتى بقى اروبه وشاطره بجد ببتعمل حاجات احسن من امى
طبعا بالطشها منها
المهم دى طريقه سهله جدا بس بتسيبيه مده الى ان يستوى
الطريقه
فى موسم الزيتون نشترى زيتون اخضر وبعدين يتنقى ويتغسل
نجيب ليمون اخضر وليكن كيلو او 2 على خمسه زيتون ويضرب بقشره فى الخلاط
نضع طبقات متبادله من الزيتون+عصير اليمون+ فلفل حار(فليفله)+ملح
بس نكمل الباقى ملح + ماء وبعدين طبقه زيت ونغلق
البرطمان بفيل ثم الغطاء سيبيه حوالى شهر ونصف الى 2 ويفتح لو محتاج ماء
وملح زوديه وادعيلى
بجد كل الى يدوقه بيطلب منى وهو مروح

تسلم ايدك وايدها بس ممكن اقول حاجه هى مش بتنقع الزيتون علشان المر بتاعه زى الترمس كده وتغير عليه وشكرا

لا ياروان هيه موش بتنقعه خالص
وانا امى بتنقعه زى الطريقه العادى
بس انا جربته زيها وطلع روعه لما بعمل لزوجى ساندوتشات فى شغله واديله منه بيطلبو منه لنفسهم شويه مابيلحقش يقعد عندى
بس المده الى هيه 2 شهر او شهر ونصف بضيع مرارته ولو لسه بتكون لذيذه ومقبوله

يا سيدى يا سيدى
ايه الحلاوة دى كلها
انا اخرى لفت
ههههههههههههههههههههه
والله لسه عاملاه اول امبارح ادعيلى ينجح ولو حلو ان شاء الله اقولك على طريقتى