اللازانيا وبالصور كماااااااان

ندخل فى الموضوع

المقادير :
1) عجينة المكرونة :
2 كوب دقيق
2 بيضة
2 ملعقة كبيرة زيت زيتون
ملح ( يادوب رشة )
ماء على حسب العجين

2)البشاميل:
3 ملاعق دقيق
3 ملاعق زبدة
4 كوب لبن
ملح وفلفل

3) اللحمة المعصجة :
زيت زيتون
بصل
توم
عصير طماطم
صلصة
ملح , فلفل , زعتر , ريحان , لحم مفروم
4) جبن مشور اى نوع ( انا استخدمت رومى

الطريقة :

اولا :البشاميل :
عادى هاتحطى الزبدة والدقيق على النار شوية ولم يبدأ يغمق هاتحطى اللبن وتقلبة لغاية مايتقل وتجطى الملح والفلفل

ثانيا العصاج :
تشوحى البصل فى الزيت ثم التوم ثو تنزلة باللحمة وتقلبى شوية وبعدين العصير والصلصة وتسيبيها لحد ماتتسبك وتحطى التوابل

ثالثا : العجينة :
تضعى الدقيق فى طبق وفى النص تضعى البيض والملح والزيت ثم تخلطيهم كويس وتبدأى باضافة الماء تديجيا وحبة صغيرين مش كتير لانها بتبقى عجينة قاسية شوية مش طرية وتعجنى كويس لغاية ماتلم معاكى وتكون مش بتلزق ودى بعد العجن

وبعدين نسيبها ترتاح ساعة ونرش دقيق على الرخامة ونفرد بالنشابة لحد متبقى رقيقة اوى وكل شوية ترشى دقيق عشان ماتلزقش على الرخامة انا فدتها وقطعتها اد الصينة مستطيلات وده شكلها

وبعد كده عليت مية فيها ملح وزيت وحطيتها فيه بتسقط فى القاع اول ماتحطيها وبعدين ترتفع اول ما ترتفع تبقى استوت

وبعدين نحطيها على مصفة عشان ماتلزقش وتتهوى

وبعدين تجيبى الصينية وتحطى فى القاع شوية بشاميل ثم شريحتين من المكرونة ثم اللحمة العصاج ثم البشاميل ثم الجبنة ثم مكرونة ثم لحمة وهكذا يعنى تقريبا 4 ادوار وفى الاخر مكرونة وفوقيها بشاميل وجبنة رومى وتدخليها يادوب 10 دقايق عشان هى اصلا مستوية (( مجرد بس المكونات تمتزج مع بعضها )) وبعدين تفتحى الشواية تاخد وش ,

ودى بعد ماخرجت

وده بعد ماقطعتها صدقونى خلصت فى نفس اليوم وعجبت جوزى او ماشاء الله

واتبقت منى قطعة من العجينة شلتها فى الفريزر لاى استخدام تانى

معلش ماصورتش من الاول كان عبد الله قايم بالواجب وكنت ملخومة اوى

اللى هاتقيم هاديها حتة واللى مش هاتقيم هاديها بردة

والسلام عليكم ياأحلى فتوكات

اكتر من 130 مشاهدة ومافيش ولا رد

» غداء دايت 100%وبالصور
» مــضــغــوط الـــدجــــــاج .. وبالصور
» خداع بصرى بالكلمات وبالصور ... تصدقوا
» أخطاء المصلين وبالصور .... ادخل ولن تندم
» بيان فضل وطريقه ختم القرآن في شهر رمضان وبالصور