عايزة ابنك يحب الصلاة وما يسيبهاش مهما حصل ؟ تعالى اقولك فكرتى

عزيزاتى اخواتى فى الله

السلام عليكم ورحمة الله وبركاته

انا فى البداية عايزة اقول لكم ان سبب تفكيرى فى الحل ده لمشكلة كتير مننا

فى تعويد ابنه او بنته وهى مشكلة تعويده على الصلاة لان البنى آدم يا جماعة لو ما اترباش على حب الصلاة

واتعود عليها وبقت جزء اساسى من تكوينه ممكن بعد كدة يكسل عنها فعلشان كدة هى دى فكرتى

خدى ابنك او بنتك وانزلوا اى مكتبة وقوليله هنشترى حاجات نلعب بيها لعبة حلوة اوى

واشترى كرتون او روق رسم ومقص وألوان نوعها كويس كدة او اللى بيحبها ابنك

وممكن قص ولزق او اى ابتكار او فكرة تحبى تزوديها

وروحوا البيت قعديه جنبك وخليه يناولك وقوليله احنا هنعمل شجرة الصلاة

وفعلا ارسمى شجرة حجمها معقول مش صغيرة و لونى الجذع يعنى الساق بتاعها ده باللون البنى

وطلعى منها 30 فرع كل فرع فيه 5 ورقات اللى هما طبعا الخمس صلوات والـ 30 يوم

اللى هما الشهر وممكن تجربى فى اسبوع او زى ما انتى عايزة وتقوليله كل صلاة هتصليها فى ميعادها

هتلون انت بنفسك ورقتها بالاخضر ولو عايزاه يعمل اى حاجة تانية

زى مثلا دعاء كدة حلو وسهل الصبح او يقول اى اذكار خفيفة ترسميله تفاح

وبرضوا لما يقول الولد الصغنون ده يلون هو التفاحة بنفسه وحمسيه بقى

قوليله شايف انا نفسى الشجرة دى تبقى حلوة مفيش ولا ورقة فيها تبقى فاضية

علشان نعلقها فى اوضتك وكل الناس تفرح بيك وبابى يشوفها ويجيبلك هدية حلوة كدة ابنك او بنتك

هيفرحوا انهم بيعملوا حاجة حلوة وانتى بتقعدى معاهم 5 مرات ترسموا وتلونوا وده نوع من الترفيه

كل الاطفال بتحبه وكمان هيحبوا يحافظوا على الصلاة حتى لو بنية تانية بس معلش ما هم اطفال واحنا عايزين نعودهم

وان شاء الله ربنا يرزقنا كلنا بذرية صالحة تتقى الله وتحفظ فروضه

منقول للافادة

فكره رووووووووعه
مشكوره حبيبتى على افكارك الجميله دى
وارجو ان تتحفينا بمثلها
لان تربيه الاطفال محتاجه صبر وحنكه فى التعامل معهم
الله يعينا

زائر

ميرسى
ولو ان الطريقه هايله لكن بشوف
انك لو انتى بتصلى ومواظبه
فاولادك منذ الصغر حيقلدوكى
لانهم اتعودوا يشوفوا امهم وابوهم بيصلوا
عموما زى ما قلت ميرسى وتقبلى مرورى

زائر

فعلا لو انك بتصلى الصلاه فى مواعيدها
وبتحافظى لو ان الاذان شغال
تقفلى اى صوت ( كاسيت او تلفزيون )
احتراما للآذان
حتلاقى اولادك بيعملوا نفس الشىء
بس للامانه طريقتك حلوه قوى
وعجبتنى
وفيها لعب مع الاولاد وتواصل معاهم
مشكوره

زائر

طريقه حلوه
برافو عليكى
بتلعبى مع الاطفال
وتنزلى لمستوى ذكائهم علشان يحبوا الصلاه
بطريقه فيها متعه
ان شاء الله اجربها مع ابنى لما يكبر
بس يا رب اكون لسه فكراها

زائر

طريقه لطيفه وبتعجب الاطفال
يعطيكى العافيه

نعم اخواتى الكريمات لو انا فعلا مواظبة على الصلى طفلى بيواظب عليها ودة هوة الطبيعى لكن وطبعا لظروفى الشهرية مبقاش عايزةانة يوجة نظرة ليا ويسالنى انتى ما بتصليش لية يبقى الاحسن انى اوجة الى الطريقة دة وينسانى خالص

زائر

ميرسى حبيبتى
الفكره رووووعه وجديده
تسلم اناملك

» الله اكلك يجنن تسلم الايادى .. عاوزة تعرفى السر تعالى اقولك !
» تعالى شوفى كنوز الصلاة على سيدنا محمد صلى الله عليه وسلم
» نفذي بنفسك: عيد ميلاد ابنك
» لو عايزة تعرفي اكتر عن ماي واي
» الصلاة .. ترغيب وترهيب